Home સુરેન્દ્રનગર લીંબડીમાં યોજાયેલા લોક દરબાર માં CCTV કેમેરા, દારૂ બંધી, સુરક્ષા સહિતની માંગ...

લીંબડીમાં યોજાયેલા લોક દરબાર માં CCTV કેમેરા, દારૂ બંધી, સુરક્ષા સહિતની માંગ કરાઈ

117
0
સુરેન્દ્રનગર : 2 એપ્રિલ

લીંબડી પોલીસ મથકે લોક દરબાર યોજાયો હતો. જોકે મોટાભાગના લોકો અને વેપારીઓએ લોક દરબાર અંગે જાણકારી નહીં હોવાની રાવ કરી હતી. પોલીસે પોતાના માનીતાઓને બોલાવી લોક દરબાર યોજી નાંખ્યો હોવાની વાત પણ વહેતી થઈ છે.

લીંબડી પોલીસ મથકે લોક દરબાર યોજાયો
લીંબડી પોલીસ મથકે લોક દરબાર યોજાયો

લીંબડી શહેર તેમજ ગ્રામ્ય વિસ્તારની પરિસ્થિતિ જાણવા જિલ્લા પોલીસ વડા મહેન્દ્ર બગડીયાના અધ્યક્ષ સ્થાને પોલીસ મથકમાં લોક દરબાર યોજાયો હતો. લોક દરબારમાં વેપારીઓ દ્વારા શહેરમાં ટ્રાફિક સમસ્યા હલ કરવી, સી.સી.ટી.વી કેમેરા લગાવવા, હાઈવે સર્કલ પાસે વધી રહેલા અકસ્માતો નિવારવા પોલીસ ચોકી 24 કલાક શરૂ રાખવા અંગે રજૂઆત કરી હતી. જિલ્લા પોલીસ વડાએ શહેરના કૃષ્ણનગરની મુલાકાત લીધી હતી. ત્યાંના રહીશોએ નગરપાલિકા નજીક આવેલા મફતીયાપરા વિસ્તારમાં દારૂનો વેપલો બંધ કરાવવા રજૂઆત કરી હતી. લોક દરબારમાં DYSP સી.પી.મુંધવા, CPI આઈ.બી.વલવી, PSI વી.એન.ચૌધરી સહિત પોલીસ સ્ટાફ હાજર રહ્યો હતો.

એસ.પી મહેન્દ્ર બગડીયાએ લોકોની રજૂઆતો પૂર્ણ કરવાનો વિશ્વાસ આપ્યો હતો. લોકોને નિર્ભય અને નીડર બની પોલીસને મદદરૂપ બનવા અપીલ કરી હતી. કોલેજ, સ્કૂલોમાં ફરિયાદ માટે લેટર બોક્સ લગાવવા પોલીસને સૂચના આપી હતી. લેટર બોક્ષને પોલીસ અઠવાડિયે ચેક કરી ફરિયાદનો નીકાલ કરશે તેવી બાંહેધરી આપી હતી.

અહેવાલ: સચિન પીઠવા સુરેન્દ્રનગર
Previous articleવિજયનગર તાલુકામાં સાબરકાંઠા જિલ્લા પંચાયત પ્રમુખશ્રી દ્વારા પ્રધાનમંત્રીના કાર્યક્રમને નિહાળવામાં આવ્યો
Next articleમુન્દ્રા શહેરમાં દરિયાલાલ દેવની જન્મ જયંતી નિમિત્તે વિશાળ રેલી નીકળી

LEAVE A REPLY

Please enter your comment!
Please enter your name here