પંચમહાલ : 8 ઓગસ્ટ
ઘોઘંબા તાલુકાની શ્રી એસ.પી. પટેલ આર્ટ્સ કોલેજ સિમલિયામાં આજ તારીખ 08/08/2022ના રોજ આઝાદી કા અમૃત મહોત્સવ અન્વયે ” હર ઘર તિરંગા” કાર્યક્રમ અંતર્ગત વિવિધ સ્પર્ધાઓ યોજાઇ હતી. પ્રારંભમાં કોલેજના પ્રમુખશ્રી નટવરસિંહ ચૌહાણે શુભેચ્છાઓ પાઠવી હતી. વકતૃત્વ સ્પર્ધામાં આઠ સ્પર્ધકોએ ભાગ લીધો હતો. ગીત સ્પર્ધામાં છ સ્પર્ધકોએ ભાગ લીધો હતો. ચિત્ર સ્પર્ધામાં અગિયાર સ્પર્ધકોએ ભાગ લીધો હતો. નિબંધ સ્પર્ધામાં એકતાલીસ સ્પર્ધકોએ ભાગ લીધો હતો. કુલ મળીને 66 સ્પર્ધકોએ ભાગ લીધો હતો.હર ઘર તિરંગા કાર્યક્રમ અંગેના સંકલ્પ પત્રનું વાંચન કરીને ઉપસ્થિત સૌએ સંકલ્પ લીધો હતો. વિજેતા સ્પર્ધકોને ઇનામ આપવામાં આવ્યા હતા. સ્પર્ધાઓમાં ભાગ લેનાર તમામ સ્પર્ધકોને પણ પ્રોત્સાહક ઇનામ આપવામાં આવ્યા હતા. સ્પર્ધાઓના આયોજન, સંચાલન અને નિર્ણાયકો તરીકે પ્રા. રાજેન્દ્ર પટેલ, ડૉ. રામભાઈ મેઘવાળ, પ્રા. હરિપ્રસાદ કામોલ, શ્રીમતિ ડૉ.ડી.વી.ચૌધરી અને ડૉ. વિમલ ગાંધીએ ભૂમિકા ભજવી હતી.
