ગાંધીનગર: રાજ્યના સરકારી કર્મચારીઓ માટે આજે મોટી ખુશખબર આવી છે. મુખ્યમંત્રી ભૂપેન્દ્ર પટેલની અધ્યક્ષતામાં થયેલી કેબિનેટ બેઠકમાં સરકારી કર્મચારીઓના મોંઘવારી ભથ્થા (DA)માં વધારો કરવાનો મહત્વપૂર્ણ નિર્ણય લેવામાં આવ્યો છે. આ નિર્ણય અનુસાર, 1 જાન્યુઆરી 2025થી કેન્દ્ર સરકારના ધોરણે DAમાં વધારો કરવામાં આવશે.
મહત્વપૂર્ણ નિર્ણયની વિગતો:
– સાતમા પગાર પંચ હેઠળના કર્મચારીઓના DAમાં 2% વધારો
– છઠ્ઠા પગાર પંચ હેઠળના કર્મચારીઓના DAમાં 6% વધારો
– જાન્યુઆરી 2025 થી માર્ચ 2025 સુધીના 3 માસના એરિયર્સ એક સાથે ચૂકવવામાં આવશે
– એરિયર્સની રકમ એપ્રિલ 2025ના પગાર સાથે મળશે
રાજ્ય સરકારના પ્રવક્તા અને આરોગ્ય મંત્રી ઋષિકેશભાઈ પટેલે આ નિર્ણયની જાહેરાત કરતાં કહ્યું કે, “મુખ્યમંત્રી શ્રી ભૂપેન્દ્ર પટેલના નેતૃત્વમાં રાજ્ય સરકારે કર્મચારીઓના હિતમાં આ મહત્વપૂર્ણ નિર્ણય લીધો છે. આ નિર્ણયથી રાજ્યના સરકારી કર્મચારીઓને નોંધપાત્ર રાહત મળશે.”
કર્મચારીઓ માટે રાહતભર્યો નિર્ણય:
આ નિર્ણય દ્વારા રાજ્યના 8 લાખથી વધુ સરકારી કર્મચારીઓ અને પેન્શનર્સને લાભ થશે. નોંધનીય છે કે કેન્દ્ર સરકારે પણ જાન્યુઆરી 2025થી તેના કર્મચારીઓના DAમાં વધારો કર્યો હતો, જેના આધારે રાજ્ય સરકારે પણ આ નિર્ણય લીધો છે.
આ નિર્ણયથી સરકારી કર્મચારીઓમાં ખુશીનું વાતાવરણ છે, કારણ કે મહિંગાઈના વધતા દરને ધ્યાનમાં લેતા આ વધારો નોંધપાત્ર રાહત આપશે.
