Home પાટણ પાટણ કોલેજના અંડરપાસમાં મેટલ કપચી અને ધૂળથી વાહનચાલકો ત્રસ્ત…

પાટણ કોલેજના અંડરપાસમાં મેટલ કપચી અને ધૂળથી વાહનચાલકો ત્રસ્ત…

73
0

પાટણ : 7 મે


પાટણ નગરપાલિકાની ઘોર બેદરકારીનો ભોગ નગરજનો બની રહયા છે . શહેરના કોલેજ અંડરપાસમાં પથરાયેલી મેટલ – કપચીના કારણે અહીંથી પસાર થતા વાહનચાલકોના વાહનોમાં પંચર પડવા તેમજ વાહનો સ્લીપ થઇ જવાની ઘટનાઓ પ્રકાશમાં આવી રહી છે . છેલ્લા એક મહિનાથી નગરપાલિકાએ અંડરપાસમાં પાથવેની કામગીરી પૂર્ણ કર્યા બાદ તેના રો – મટીરીયલનો સામાનનો કચરો દુર ન કરતા આજે કોલેજમાં આવતા વિધાર્થીઓ અને વાલીઓ ભારે મુશ્કેલીમાં મુકાઇ રહ્યા છે.

પાટણ શહેરના રાજમહેલ રોડ પર એનજીઇએસ કેમ્પસમાં આવન – જાવન કરવા માટે બનાવવામાં આવેલા અંડરપાસમાં નગરપાલિકા દ્વારા તાજેતરમાં અંડરપાસની મધ્યમાં રાહદારીઓ માટે પથીક વે બનાવવામાં આવ્યો હતો . આ કામગીરી પૂર્ણ થયા બાદ પાલિકા તંત્ર દ્વારા તેના રો મટીરીયલ કપચી , મેટલ તેમજ રેતી જેવો સામાન હજુ સુધી દુર કરવામાં આવ્યો નથી ત્યારે છેલ્લા એક મહિનાથી અંડરપાસના માર્ગ પર પથરાયેલી મેટલ – કપચીના કારણે અહીંથી પસાર થતા વાહનચાલકો સ્લીપ થઈ જવાની ઘટનાઓ પ્રકાશમાં આવી રહી છે . શુક્રવારની સવારે એક વાહનચાલક વળાંક પર મેટલ કપચીના કારણે સ્લીપ થઇ જવાથી તેને ગંભીર ઇજાઓ પહોંચી હતી . તો કેટલાક ટુવ્હીલર વાહનોમાં મેટલ કપચીના કારણે પંચર પડી જવાના બનાવો પણ પ્રકાશમાં આવ્યા હતા ત્યારે નગરપાલિકા તંત્ર દ્વારા કોલેજ અંડરપ્રાસમાં પથરાયેલ કપચી – મેટલ અને રેતી સત્વરે દુર કરવામાં આવે તેવી પ્રબળ માંગ ઉઠવા પામી છે .

અહેવાલ: ભાવેશ, પાટણ
Previous articleઅંબાજી – છેલ્લા સેમેસ્ટર ની પરીક્ષા આવી ગઈ છતાં ટેબ્લેટ ના મળતા વિદ્યાર્થીઓ અને NSUI દ્વારા કોલેજ ના આચાર્ય શ્રી ને આવેદન પત્ર અપાયું….
Next articleપાટણના રશિયન નગર નજીક કારમાં લાગી આગ,ચાલકનો આબાદ બચાવ..

LEAVE A REPLY

Please enter your comment!
Please enter your name here