પંચમહાલ : 29 ઓગસ્ટ
ઘોઘંબા તાલુકાની શ્રી એસ.પી.પટેલ આર્ટ્સ કોલેજ, સિમલીયામાં ગુજરાતી વિભાગના ઉપક્રમે રાષ્ટ્રીય શાયર ઝવેરચંદ મેઘાણીની 126મી જન્મ જયંતિ ની ઉજવણી આચાર્ય ડૉ. દિલીપકુમાર અમીનના અધ્યક્ષ સ્થાને કરવામાં આવી હતી. વિદ્યાર્થીઓએ “કસુંબીનો રંગ”, ” વિજળી વેરણ થઇ”, “ચારણ કન્યા”, ” આભમાં ઝબૂકે ઝીણી વિજળી”, ” મારું મન મોર બની થનગનાટ કરે” તથા ” શિવાજીનું હાલરડું” જેવી કવિતાઓનું ગાન કર્યું હતું. ડૉ. રામભાઈ મેઘવાળે “છેલ્લો કટોરો” અને ” સિંધુડો” કાવ્ય સંગ્રહ વિશે વિસ્તૃત માહિતી આપી હતી. આભાર દર્શન પ્રા. હરિપ્રસાદ કામોલે કર્યું હતું.
