પાટણ: 21 મે
દેશના પૂર્વ વડાપ્રધાન અને કોંગ્રેસના અગ્રણી એવા સ્વર્ગસ્થ રાજીવ ગાંધીની પુણ્યતિથિ નિમિત્તે આજે પાટણ જિલ્લા કોંગ્રેસ દ્વારા શહેરના બગવાડા દરવાજા ખાતે વિનામૂલ્યે છાશ નું વિતરણ કરી રાજીવ ગાંધીને શ્રદ્ધાંજલિ આપવામાં આવી હતી.
ભારત દેશમાં આઇટી ક્ષેત્રે ક્રાંતિ લાવનાર ભારતના પૂર્વ વડાપ્રધાન સ્વર્ગસ્થ રાજીવ ગાંધીની પુણ્યતિથી નિમિત્તે સમગ્ર દેશમાં કોંગ્રેસના આગેવાનો કાર્યકરો દ્વારા વિવિધ સેવાકીય કાર્યો કરી તેમને શ્રદ્ધાંજલિ આપવામાં આવી હતી ત્યારે પાટણ જિલ્લા કોંગ્રેસ દ્વારા શહેરના બગવાડા દરવાજા ખાતે વિનામૂલ્યે ઠંડી છાશનું વિતરણ કરવામાં આવ્યું હતું. જેમાં મોટી સંખ્યામાં નગરજનો સહિત બહારગામથી આવતા લોકોએ ઠંડી છાશ પી તૃપ્તિ મેળવી હતી.
આ પ્રસંગે પાટણના ધારાસભ્ય કીરીટ પટેલ,સિદ્ધપુર ધારાસભ્ય ચંદનજી ઠાકોર ,જિલ્લા કોંગ્રેસ પ્રમુખ શંકરજી ઠાકોર ,શહેર કોંગ્રેસ પ્રમુખ ભરત ભાટીયા, હુસૈનમિયા સૈયદ, જિલ્લા પંચાયતના વિપક્ષના નેતા અશ્વિન પટેલ સહિત કોંગ્રેસના આગેવાનો કાર્યકરોએ ઉપસ્થિત રહી રાજીવ ગાંધી અમર રહોના નારા લગાવી શ્રદ્ધાંજલિ આપી હતી
