સુરેન્દ્રનગર: 28 ડિસેમ્બર
લીંબડી કેળવણી મંડળ સંચાલિત શ્રીમતી બી એ કન્યા વિદ્યાલય દ્વારા વાલી મીટીંગ નું આયોજન કરવામાં આવેલ.આ મિટિંગમાં આશરે ૬૦૦ કરતાં વધારે વાલીઓની ઉપસ્થિતિએ તેઓના સંતાનો પ્રત્યેની તેમની જવાબદારી નો અહેસાસ કરાવ્યો હતો. આ કાર્યક્રમમાં લીંબડી કેળવણી મંડળના સહમંત્રી શ્રી પ્રકાશભાઈ સોની સાહેબે પોતાનું સ્થાન કાર્યક્રમના અધ્યક્ષ સ્થાને શોભાવી શાળાની વિદ્યાર્થીની બહેનો અને વાલીઓને પોતાની જવાબદારીનું યોગ્ય રીતે નિર્વાહન કરવાની સૂચક સલાહ આપી,વિદ્યાર્થી બહેનોને ઉજ્વળ ભવિષ્ય માટે શુભકામના પાઠવી હતી.
શાળાના આચાર્યાશ્રી ક્રિષ્નાબા ચુડાસમા દ્વારા વાલીઓને શાળામાં થતી સહ અભ્યાસિક પ્રવૃત્તિઓ અને શાળાની શિસ્તની સમજ આપવામાં આવી હતી.આ કાર્યક્રમનું સફળ સંચાલન ગીતાબા જાડેજા દ્વારા કરવામાં આવ્યું હતું. સમગ્ર કાર્યક્રમને સફળ બનાવવા શાળા પરિવારે ખૂબ જહેમત ઉઠાવી હતી.
