સાબરકાંઠા
સાબરકાંઠા જિલ્લામાં આજે એક અનોખા લગ્ન યોજાયા. જેમાં 70 વર્ષની ઉંમર વટાવી ચૂકેલા દાદા-દાદીના ધામધૂમથી લગ્ન થયા. આ લગ્નમાં તેમના 10 દીકરા અને 50 પૌત્ર પૌત્રીઓ મન મૂકીને નાચ્યા..
તમે અનેક અનોખા લગ્ન વિશે સાંભળ્યું હશે અથવા તો જોયાં હશે, પરંતુ આજે અમે તમને એક એવા લગ્ન વિશે વાત કરવાના છિએ કે જે વિશે તમે ભાગ્યે જ ક્યાંક સાંભળ્યું હશે અને જો સાંભળ્યું હશે તો પણ તે દંપતીએ ફરીથી લગ્ન કર્યા હોય તે પ્રકારનું હશે, પરંતુ આ 70 વર્ષ વટાવી ચૂકેલા દંપતી તો પ્રથમવાર જ લગ્નના ફેરા ફર્યા છે, તો તમને થતું હશે કે શું આટલા વર્ષ શું અત્યારના ટ્રેન્ડ પ્રમાણે લીવ ઈન રિલેશનશિપમાં રહેતા હતા? તો તેનો જવાબ છે ના… આદિવાસી સમાજમાં લગ્નની ઉંમર સમયે જો પૈસા ના હોય તો તે લોકો લગ્ન કરી શકતા નથી, પરંતુ આગેવાનોની સંમતિથી આ બંને પતિ-પત્ની સાથે રહીને સંસાર માંડતા હોય છે. તો આવો જાણીએ કઈ રીતે આ દાદા-દાદીના ધામધુમથી લગ્ન થયા હતા… સમાજના રીત રિવાજ પ્રમાણે યાજાયા લગ્ન સાબરકાંઠા જિલ્લાના પોશીના તાલુકાના નાડા ગામે આદિવાસી સમાજના રીત રિવાજ મુજબ એક અનોખા લગ્ન બે દિવસ પહેલાં યોજાયા હતા. જેમાં 70 વર્ષની ઉંમર વટાવી ચૂકેલા દાદા-દાદીના ધામધૂમથી લગ્ન કરાયાં હતા. તો આ લગ્નમાં દાદા-દાદીની ચોથી પેઢી લગ્નમાં ડીજેના તાલે ઝૂમી ઉઠી હતી. જેમાં દંપતીના 10 દીકરા અને 50 પૌત્ર-પૌત્રીઓ મન મૂકીને નાચ્યાં અને દાદા-દાદીના લગ્નની મઝા માણવાની ખુશી વ્યક્ત કરી હતીપૈસાની સગવડ થતાં ધામધૂમથી લગ્ન કર્યા આદિવાસી સમાજમાં જો લગ્નની ઉંમર સમયે પૈસાની સગવડ ના હોય તો તે લોકો લગ્ન કરી શકતા નથી, પરંતુ આગેવાનોની સંમતિથી આ બંને પતિ-પત્ની સાથે રહીને સંસાર માંડતા હોય છે. જ્યારે તે લોકો પાસે પૈસાની વ્યવસ્થા થાય ત્યારે તેટલી ઉંમરે તેઓ લગ્ન કરતા હોય છે. આ દાદા-દાદી પાસે ચોથી પેઢીએ પૈસાની વ્યવસ્થા થઈ એટલે 70 વર્ષની ઉંમરે તેમના ધામધૂમથી લગ્ન યોજાયા હતાં.દંપતી 70 વર્ષની ઉંમર બાદ લગ્ન ગ્રંથિથી જોડાયાસાબરકાંઠાના પોશીનામાં બે દિવસ પહેલાં યોજાયેલા લગ્નમાં 70 વર્ષના દાદીને પીઠી પણ લગાવાઇ અને ખાટલે બેસાડી તેમને ફેરવવામાં આવ્યા હતા. તો ફેરા ફરવા માટે દાદીમાં અશક્ત હોવાને કારણે પુત્રોએ માતાને તેડીને ફેરા ફરાવ્યા હતા. તો આ લગ્નમાં આખું ગામ ઉમટી પડ્યું હતું અને ડીજેના તાલે લોકો નાચ્યાં હતાં. વર કેસરાભાઇ ગમાર અને કન્યા મંગુબેન ગમાર 70 વર્ષની ઉંમર બાદ લગ્ન ગ્રંથિથી જોડાયા હતા. તો દાદા-દાદીના લગ્નમાં દીકરા-દીકરી તો ખરા પણ પૌત્રાઓએ પણ મન મૂકીને મજા માણી હતી.
