સુરેન્દ્રનગર: 19 ડિસેમ્બર
લીંબડી કેળવણી મંડળ સંચાલિત સર.જે. હાઇસ્કુલ અને કે.બી. શાહ હાયર સેકન્ડરી સ્કુલ. લીંબડીના પ્રાર્થના હોલમાં ધોરણ 9 થી 12ના વાલી સંપર્ક સંમેલનનું આયોજન થયું. જેમાં કેળવણી મંડળના સહમંત્રી અને વિઝન 2024 ના સ્વપ્નદ્રષ્ટા માનનીય શ્રી પ્રકાશભાઈ સોની સાહેબ અધ્યક્ષ સ્થાને ઉપસ્થિત રહ્યા. વિશ્વ હિન્દુ પરિષદના લીંબડી જિલ્લા અધ્યક્ષ શ્રી નંદકિશોરભાઈ કણઝરીયા ની મુખ્ય મહેમાન તરીકે પ્રેરક ઉપસ્થિતિ હતી. શાળાના આચાર્યશ્રી મનુભાઈ જોગરાણા અને સમગ્ર શાળા પરિવાર આયોજિત આ સંમેલનમાં વિશાળ સંખ્યામાં વાલી ભાઈ – બહેનો હાજર રહ્યા હતા. અને બાળકોના સર્વાંગી વિકાસમાં બાળક – પાલક અને ચાલકની શું ભૂમિકા છે? આ અંગે પ્રેરક માર્ગદર્શન રજૂ થયું હતું. વાલી મિત્રોએ પણ પોતાના પ્રતિભાવો દ્વારા શાળા પરિવારના વિદ્યાર્થી ઘડતરના પ્રયત્નોને બિરદાવ્યા હતા અને પોતાનો સાથ સહકાર આપવાનો સંકલ્પ વ્યક્ત કર્યો હતો.
સર.જે. હાઈસ્કૂલ સ્કૂલ લીંબડી 115 વર્ષથી કાર્યરત એવી ઝાલાવાડની જાજરમાન શૈક્ષણિક સંસ્થા છે જેનું શાળા પરિવારે ગૌરવ વ્યક્ત કર્યું હતું. લીંબડી કેળવણી મંડળના સહમંત્રી શ્રી પ્રકાશભાઈ સોની સાહેબે મંડળ નો મંગલમય અને સેવા ભાવિશુર વ્યક્ત કરી ભાવી યોજનાઓ અને સૌની સક્રિય ભૂમિકાઓ વિશે માર્ગદર્શન આપી કાર્યક્રમને સફળ બનાવ્યો હતો.
