સુરેન્દ્રનગર : 5 ઓગસ્ટ
– સર્વ સમાજ સેવા શ્રીજી ટ્રસ્ટ રાજકોટ સંચાલિત બલદાણા ગામ નજીક નિ:શુલ્ક નિરાધારને આશરો એટલે વૃદ્ધાશ્રમ, બાળકો માટે બનાવવામાં આવી રહ્યું છે
– સૌથી જરૂરિયાતમંદ બાળકો અને વડીલો માટે આશાનું હરિદ્વાર એટલે શિક્ષણ મંદિર અને રોટલો અને ઓટલો
સુરેન્દ્રનગર જિલ્લાના લીંબડી-રાજકોટ નેશનલ હાઇવે રોડ ઉપર બલદાણા ગામ નજીક શિક્ષણ મંદિર, રોટલો અને ઓટલોનું ખાતમુહૂર્ત કરવામાં આવ્યું હતુ. જેમાં સર્વ સમાજ સેવા શ્રીજી ટ્રસ્ટ રાજકોટ સંચાલિત બલદાણા ગામ નજીક નિ:શુલ્ક નિરાધારને આશરો એટલે વૃદ્ધાશ્રમ, બાળકો માટે બનાવવામાં આવી રહ્યું છે. એટલે જ કહેવાય છેને સૌથી જરૂરિયાત મંદ બાળકો અને વડીલો માટે આશાનું હરિદ્વાર એટલે શિક્ષણ મંદિર અને રોટલો અને ઓટલો…
જ્યારે આજના હળાહળ કળીયુગમાં કેટલાક યુવાનો પોતાના લગ્ન સમય બાદ પોતાના ઉંમરલાયક મા-બાપને રાખવા તૈયાર નથી હોતા અને સેવા કરવાની વાત જ દૂર રહી. પણ આજે કેટલાક યુવાધન આ નિરાધારોની સેવા માટે આગળ આવી રહ્યાં છે. જ્યારે એવા જ રાજકોટના રહેવાસી આશાબેન પટેલ તેમજ તેમના ટ્રસ્ટના સાથીદારોએ લીંબડી-રાજકોટ હાઇવે રોડ ઉપર બલદાણા ગામ પાસે નિરાધારો તેમજ બાળકો માટેનું શિક્ષણ મંદિર, રોટલો અને ઓટલો માટે ખાતમુહૂર્ત કરવામાં આવ્યું હતુ.
આ પ્રસંગે બલદાણા ગામ લોકો તેમજ નામી અનામી લોકો દ્વારા યથાયોગ્ય યોગદાન આપવામાં આવ્યું હતુ. તેમજ આ કાર્યક્રમમાં મહાનુભાવોમાં સાધુ સંતો, સામાજિક કાર્યકરો, ભાઈ-બહેન, વડીલો તથા યુવાનો ખાસ ઉપસ્થિત રહ્યાં હતા. જેમાં સર્વ સમાજ સેવા શ્રીજી ટ્રસ્ટ રાજકોટ સંચાલિત બલદાણા ગામ નજીક નિ:શુલ્ક નિરાધારને આશરો એટલે વૃદ્ધાશ્રમ, બાળકો માટે બનાવવામાં આવી રહ્યું છે.
