સપનાના શહેર તરીકે પ્રખ્યાત એવા બોમ્બે એટલે મુંબઇ (MUMBAI ) માં ગોરેગાંવ પશ્ચિમમાં ઇમારતમાં આગ ફાટી નીકળવાના સમાચાર મળી રહ્યા છે. મળતી માહિતી અનુસાર ગોરેગાંવ વેસ્ટમાં સાત માળની ઇમારતના સ્ટીલ્ટ પાર્કિંગ વિસ્તારમાં પાર્ક કરાયેલા એક વાહનમાં આગ ફાટી નીકળી હતી અને લિફ્ટ વિસ્તારમાંથી સાતમા માળ સુધી ફેલાઈ ગઈ હતી.
મુંબઈના ગોરેગાંવ પશ્ચિમમાં શુક્રવારે વહેલી સવારે સાત માળની રહેણાંક ઈમારતમાં લાગેલી આગમાં બે સગીર સહિત સાત લોકોના મોત થયા હતા અને 51 લોકો ઘાયલ થયા હતા. ગોરેગાંવ પશ્ચિમમાં આઝાદ મેદાન નજીક સ્થિત સ્લમ રિહેબિલિટેશન ઓથોરિટી (SRA) બિલ્ડિંગ, જય ભવાની બિલ્ડિંગમાં સવારે 3.05 વાગ્યે આગની જાણ થઈ હતી. મૃતકોમાં ત્રણ મહિલા, એક પુરુષ અને બે સગીર છોકરીઓનો સમાવેશ થાય છે તો એક મૃતદેહ અજાણ્યો છે.
બૃહન્મુંબઈ મ્યુનિસિપલ કોર્પોરેશન (BMC) ના સુત્રો મુજબ આગ લાગ્યાના ત્રણ કલાકથી વધુ સમય બાદ સવારે 6.45 વાગ્યા સુધીમાં આગ ઓલવાઈ ગઈ હતી. જેમાં અધિકારીઓના જણાવ્યા મુજબ બિલ્ડિંગના સ્ટીલ્ટ પાર્કિંગ વિસ્તારમાં પાર્ક કરાયેલા એક વાહનોમાં આગ લાગી હતી અને ટૂંક સમયમાં જ લિફ્ટ દ્વારા સમગ્ર SRA સ્ટ્રક્ચરને લપેટમાં લીધું હતું.
“ત્રણ અને ફોર વ્હીલર, 40 મોટરસાયકલ અને સાયકલ સહિત અનેક વાહનો બિલ્ડીંગના સ્ટીલ્ટ એરિયામાં પાર્ક કરવામાં આવ્યા હતા. જ્યાં પ્રથમ આગ લાગી હતી. ગ્રાઉન્ડ ફ્લોર પર ઘણા બધા ભંગાર કપડા પણ ફેંકી દેવામાં આવ્યા હતા જેના કારણે આગ ફેલાઈ હતી,” વધુમાં “આગ અહીંથી ગ્રાઉન્ડ ફ્લોર અને પછી લિફ્ટ એરિયા દ્વારા સાતમા માળ સુધી ફેલાઈ હતી,” તેમણે ઉમેર્યું.
દરમિયાન, નાગરિક સંસ્થા દ્વારા આપવામાં આવેલા તાજેતરના અહેવાલમાં જણાવાયું હતું કે, ભોંયતળિયે, દુકાનો, ભંગાર સામગ્રી, ચીંથરા અને વાહનોમાં આગ ભભૂકી ઉઠી હતી જ્યારે ઇમારતના ઉપરના માળે, જ્વાળાઓએ દાદરને ભસ્મીભૂત કરી નાખ્યો હતો. ત્યારે ગોરેગાંવના ADFO ઉમેર્યું હતું કે આગ રાતના સમયે ફાટી નીકળી ત્યારથી, તેણે બિલ્ડિંગના રહેવાસીઓને પકડ્યા, જેઓ તે સમયે ઊંઘી રહ્યા હતા, અજાણ હતા.
બચાવ પછી, 15 ઘાયલોને કૂપર હોસ્પિટલમાં લઈ જવામાં આવ્યા હતા જ્યારે 36ને હિન્દુહૃદયસમ્રાટ બાળાસાહેબ ઠાકરે (HBT) મેડિકલ કોલેજ હોસ્પિટલમાં લઈ જવામાં આવ્યા હતા. કૂપર હોસ્પિટલમાં દાખલ 15માંથી એકનું મૃત્યુ થયું છે, એક ગંભીર છે, અન્ય નવની તબિયત સ્થિર છે અને ચારે તબીબી સલાહ વિરૂદ્ધ ડિસ્ચાર્જ કરવાનું પસંદ કર્યું છે. જોગેશ્વરીની એચબીટી હોસ્પિટલમાં દાખલ 36 પૈકી, છને મૃત લાવવામાં આવ્યા હોવાના અહેવાલ છે, ચાર ગંભીર છે અને 26 હાલમાં સ્થિર છે.
આગને કાબૂમાં લેવા માટે, મુંબઈ ફાયર બ્રિગેડ (MFB) એ રાહત પ્રક્રિયામાં મદદ કરવા માટે આઠ ફાયર એન્જિન, પાંચ જમ્બો ટેન્કર, એક પાણીની ટાંકી, ટર્નટેબલ સીડી અને ઝડપી પ્રતિક્રિયા વાહનનો ઉપયોગ કર્યો. “ત્રણ નાની હોઝ લાઇન, બે મોટી હોઝ લાઇન અને આઠ મોટર પંપની એક ઉચ્ચ દબાણ લાઇન સહિત કુલ છ હોઝ લાઇન કાર્યરત હતી. 30 થી વધુ લોકોને સીડી તેમજ પાંચ BA [શ્વાસ ઉપકરણ] સેટનો ઉપયોગ કરીને બચાવી લેવામાં આવ્યા હતા,” એક નાગરિક અહેવાલમાં ઉમેર્યું હતું.
