વડોદરા શહેરમાંથી એક મેડિકલ જગતનો રેર કહી શકાય તેવો કિસ્સો સામે આવ્યો છે. જેમાં વડોદરાના એક દર્દીના પિતાશયમાંથી 1628 પથરી ઓપરેશન દ્વારા કાઢવામાં આવી છે. આટલી મોટી સંખ્યામાં પથરી નીકળતા ડૉક્ટરો પણ આશ્ચર્યચકિત થઈ ગયા હતા. હાલ દર્દીની તબિયત સ્વસ્થ છે. દર્દીના પિતાશયમાંથી કાઢવામાં આવેલી પથરીને ગણવામાં પણ 3 કલાક જેટલો સમય લાગ્યો હતો.
વડોદરાના નવાયાર્ડ વિસ્તારમાં રહેતા 35 વર્ષીય મોહંમદ ખલીફ પઠાણ ફેબ્રિકેશનના વ્યવસાય સાથે સંકળાયેલા છે. તમને અવારનવાર પથરીનો દુખાવો ઉપડતો હતો. તેથી તેમણે ઓપરેશન કરાવવાનું નક્કી કર્યું હતુ. જેથી તેમણે લેપ્રોસ્કોપિક સર્જન દ્વારા પિત્તાશયની પથરી દૂર કરવામાં આવી હતી. તેમના આ ઓપરેશનમાં 1628 જેટલી પથરી દૂર કરવામાં આવી હતી. 1628 જેટલી પથરી ગણવામાં 3 કલાક જેટલો સમય લાગ્યો હતો. 1628 જેટલી પથરી જોઈને ડૉક્ટરો પણ આશ્ચર્યચકિત થઈ ગયા હતા.
પિત્તાશયમાં પથરી થવા પાછળના કારણોમાં ચરબી, માંસાહાર અને ફાસ્ટફૂડનો વધુ પડતો ખોરાકને કારણભૂત માનવામાં આવે છે. આ ઉપરાંત ચયાપચયની પ્રકિયા ઉભા થયેલા ઈશ્યૂને કારણે પણ પથરી થાય છે. લેપ્રોસ્કોપિક સર્જરી થકી દૂર કરાયેલી પથરીને ગણવા માટે સ્ટાફને 3 કલાકનો સમય લાગ્યો હતો. જ્યારે ઓપરેશનમાં 2 કલાકનો સમય લાગ્યો હતો. હાલ મોહમંદ ખલીક પઠાણની તબિયત સુધારા પર છે અને તે એકદમ તંદુસ્ત છે.
અચાનક દુખાવો ઉપડતા દાખલ કરાયા
દર્દી મોહંમદ ખલીક પઠાણે જણાવ્યુ હતુ કે, મને ઘણા સમયથી પથરીનો દુખાવો થઈ રહ્યો હતો, જો કે, મને એ વાતની જાણ ન હતી કે, મારા પિતાશયમાં આટલી બધી પથરી હશે. ઓપરેશન બાદ આ પથરીઓને કાઢવામાં આવી છે.
મેડિકલ જગતનો રેર કહી શકાય તેવો કિસ્સો
જ્યારે દર્દીના ડૉક્ટર લલિત મછારે એક ખાનગી વેબસાઈટને જણાવ્યુ હતું કે, દર્દીને અચાનક દુખાવો ઉપડતા તેને ઈમરજન્સીમાં દાખલ કરવામાં આવ્યો છે. સોનોગ્રાફીમાં ખબર પડી કે, તેની પિતાશયમાં પથરી છે. ગઈકાલે લેપ્રોસ્કોપિક સર્જરી કરવામાં આવી. જેમાં 1628 જેટલી પથરી કાઢવામાં આવી છે. એકસાથે આટલી બધી પથરી મારા મેડિકલ કરિયરમાં મેં પ્રથમ વખત જોઈ છે. હાલ દર્દીની હાલત સ્વસ્થ છે અને તેને થોડા સમયમાં જ રજા આપી દેવાશે. કહી શકાય કે, આ મેડિકલ જગતમાં રેર કહી શકાય તેવો કિસ્સો કહી શકાય.
