શ્રી વિશ્વકર્મા મંદિર ટ્રસ્ટ , કાલોલ ખાતે શ્રી વિશ્વકર્મા દાદાના મંદિરનું થયેલ ભાવપૂર્ણ કરવા માં આવ્યું ભૂમિપૂજન બુધવારના રોજ કાલોલ ખાતે આવેલ શ્રી વિશ્વકર્મા મંદિર ટ્રસ્ટ પરિસરમાં શ્રી વિશ્વકર્મા પુત્રો દ્રારા શ્રી વિશ્વકર્મા દાદાના પવિત્ર મંદિરનું ભૂમિપૂજન કરવામાં આવ્યું. સુથાર સમાજ દ્રારા વર્ષોથી જેની આતુરતાપૂર્વક રાહ જોવાતી હતી એવા દાદાના મંદિરના સપનાને આજે ભૂમિપૂજન દ્રારા સાર્થક કરવાની દિશામાં પ્રગતિ કરવામાં આવી. શ્રી પરીક્ષિતભાઈ તલાટી , આર્કિટેક્ટ એન્જીનીયર દ્રારા બનાવવામાં આવેલ પ્લાન-નકશા અને લે-આઉટ મુજબ અને તેમના સુયોજિત માર્ગદર્શન મુજબ મંદિરના ભૂમિપૂજનનું કાર્ય કરવામાં આવ્યું હતું. દેલોલના ગં.સ્વ.સરલાબેન સુથાર તરફથી ભૂમિપૂજનના પાવન પ્રસંગે રૂપિયા 51,000/-નું દાન આપવામાં આવ્યું. તેમની ઈચ્છાને માન આપીને કાલોલના શ્રી રજનીકાંત સાંકળચંદ સુથાર તથા તેમના ધર્મપત્ની દ્રારા ભૂમિપૂજનની ધાર્મિક વિધિનો લાભ લેવામાં આવ્યો હતો.શ્રી વિશ્વકર્મા મંદિરની ભૂમિપૂજન વિધિમાં સૌ વિશ્વકર્મા પુત્રોએ સુંદર સાથ-સહકાર આપ્યો અને દાદાના આ પાવન પ્રસંગને દિપાવ્યો હતો.શ્રી વિશ્વકર્મા મંદિર ટ્રસ્ટ , કાલોલ વતી સૌનો આ પ્રસંગે ખૂબ આભાર માનવામાં આવ્યો હતો.
