ભારતીય રેલવે દ્વારા મુસાફરોની સુવિધા અને સ્ટેશનો પરની ભીડ ઘટાડવા માટે એક નવી સિસ્ટમ શરૂ કરવામાં આવી છે. આ નવા નિયમ મુજબ, હવે મુસાફરોને રેલવે સ્ટેશનમાં પ્રવેશવા માટે કન્ફર્મ ટિકિટ હોવી જરૂરી રહેશે. આ નિયમ દેશના 60 મુખ્ય રેલવે સ્ટેશનો પર લાગુ થશે. આ પગલું ભીડ નિયંત્રિત કરવા અને મુસાફરોને વધુ સુવિધા પૂરી પાડવા માટે લેવામાં આવ્યું છે.
ક્યાં લાગુ થશે નવી સિસ્ટમ?
પાયલોટ પ્રોજેક્ટ તરીકે, આ સિસ્ટમ નીચેના મુખ્ય સ્ટેશનો પર લાગુ કરવામાં આવી રહી છે:
નવી દિલ્હી
આનંદ વિહાર
સુરત
વારાણસી
અયોધ્યા
પટના
આ સ્ટેશનો પર કન્ફર્મ ટિકિટ ધરાવતા મુસાફરોને જ પ્રવેશ મંજૂર રહેશે.
શા માટે લાગુ કરવામાં આવી છે નવી સિસ્ટમ?
મહાકુંભ મેળા દરમિયાન દિલ્હી રેલવે સ્ટેશન પર ભારે ભીડ અને અંધાધૂંધી સર્જાઈ હતી, જેના કારણે મુસાફરોને મુશ્કેલીઓનો સામનો કરવો પડ્યો હતો. આ ઘટનાને ધ્યાનમાં લઈને, રેલવે મંત્રાલયે સ્ટેશનો પર ભીડ નિયંત્રિત કરવા અને મુસાફરોની સુરક્ષા સુનિશ્ચિત કરવા માટે આ નવી સિસ્ટમ શરૂ કરી છે.
મુસાફરો માટે શું છે નવી વ્યવસ્થા?
વેઇટિંગ એરિયા: ટિકિટ વગરના અથવા વેઇટિંગ લિસ્ટમાં રહેલા મુસાફરોને સ્ટેશનની બહાર વેઇટિંગ એરિયામાં રોકવામાં આવશે.
ફૂટ ઓવર બ્રિજ: સ્ટેશનો પર એક પ્લેટફોર્મથી બીજા પ્લેટફોર્મ પર જવા માટે પહોળા ફૂટ ઓવર બ્રિજ બનાવવામાં આવશે.
કેમેરા સિસ્ટમ: સ્ટેશનો પર સુરક્ષા અને દેખરેખ માટે કેમેરા લગાવવામાં આવશે.
ડ્રેસ કોડ અને ઓળખ કાર્ડ: રેલવે સ્ટાફ અને સેવા કર્મચારીઓ માટે ડ્રેસ કોડ અને ઓળખ કાર્ડ લાગુ કરવામાં આવશે, જેથી માન્ય કર્મચારીઓને જ પ્લેટફોર્મ પર પ્રવેશ મળી શકે.
ટિકિટ વેચાણ પર નિયંત્રણ:
રેલવે દ્વારા સ્ટેશનની ક્ષમતા અને ઉપલબ્ધ ટ્રેનો અનુસાર ટિકિટ વેચાણનું નિયમન કરવામાં આવશે. ક્ષમતા કરતાં વધુ ટિકિટ વેચવામાં આવશે નહીં, જેથી ભીડ અને અસુવિધાઓ ઘટાડી શકાય.
શહેરીઓ માટે સૂચન:
જો તમે રેલવે સફર કરવાના હોવ, તો કન્ફર્મ ટિકિટ લેવાની ખાતરી કરો.
સ્ટેશન પર પહોંચતા પહેલાં તમારી ટિકિટ અને ઓળખપત્ર તૈયાર રાખો.
સ્ટેશન પરની નવી વ્યવસ્થા અંગે જાણકારી મેળવો અને સહકાર આપો.
