પંચમહાલ: 13 ઓગસ્ટ
ઘોઘંબા તાલુકાની શ્રી એસ.પી.પટેલ આર્ટ્સ કોલેજમાં વિશ્વ સંસ્કૃત દિવસ તથા મહાકવિ કાલિદાસની જન્મ જયંતિની ઉજવણી કરવામાં આવી હતી. કોલેજના વિદ્યાર્થીઓ બારીયા સરસ્વતી એ શિવ પંચાક્ષર સ્તોત્ર રજૂ કર્યુ હતુ. લુહાર જશોદાબેને કૃષ્ણાષ્ટક રજૂ કર્યું હતું. બીજા સોળ વિદ્યાર્થીઓએ કવિ કાલિદાસના જીવન, કૃતિઓ, શ્લોકગાન, , સંસ્કૃત ભાષામાં સ્વ પરીચય આપ્યો હતો. કાર્યક્રમનું સંચાલન ડૉ. દિલીપસિંહ ચાવડા એ કર્યું હતું. આચાર્ય ડૉ. દિલીપકુમાર અમીને પ્રાસંગિક ઉદબોધન કર્યું હતું. ડૉ.રણજીતસિંહ બારીયાએ સંસ્કૃત દિવસનું મહત્વ સમજાવ્યું હતું. કોલેજના પ્રાધ્યાપકોએ શુભેચ્છાઓ પાઠવી હતી.
