દેશમાં પહેલો દેશી સુપરહિરો એવા શક્તિમાન એ 90 ના દાયકામાં બાળકોને સારુ મનારંજન પુરુ પાડ્યું હતું. ‘શક્તિમાન’ ટીવી પર આવતાં જ બાળકોથી લઈ મોટી વયના લોકો ટીવીની સામે ગોઠવાઈ જતાં હતાં. ‘શક્તિમાન’ના કારણે ઘરે ઘરે લોકો મુકેશ ખન્નાને ઓળખતા થયા હતા. જોકે હવે ‘શક્તિમાન’ પર ફિલ્મ બનવાની છે તેવી પણ વાત છે. જોકે, આ જાહેરાત તો ઘણા સમય પહેલાં જ થઈ ચૂકી છે. તેમ જ તેનું ટીઝર પણ આવ્યું ચૂક્યું છે. જોકે, અત્યાર સુધી હવે ફિલ્મ અંગે કોઈ અપડેટ નથી આવી. ફિલ્મને 200-300 કરોડ રૂપિયાના ખર્ચે બનાવવાનું આયોજન છે. ફિલ્મ અંગે જ્યારથી જાહેરાત થઈ છે ત્યારથી ફેન્સ ઘણા ઉત્સુક છે. તો હવે મુકેશ ખન્નાએ જણાવ્યું કે, આખરે આ ફિલ્મને બનાવવામાં આટલો સમય કેમ લાગી રહ્યો છે.
આપને જણાવી દઈએ કે, ટીવીનો સૌથી પ્રખ્યાત અને બાળકોનો ફેવરિટ શૉમાંથી એક ‘શક્તિમાન’માં મુકેશ ખન્ના લીડ રોલમાં હતા. લૉકડાઉન દરમિયાન જ તેમણે આની પર ફિલ્મ બનાવવાની જાહેરાત કરી હતી. ગયા વર્ષે તેમણે આ ફિલ્મ બનાવવા માટે સોની પિક્ચર્સ ઇન્ડિયા સાથે હાથ મિલાવ્યો હતો. તેની જાહેરાત કરતા સોની પિક્ચર્સે એક ટિઝર વીડિયો પણ શેર કર્યો હતો.
મુકેશ ખન્નાએ આ ફિલ્મ અંગે લેટેસ્ટ અપડેટ આપી છે. તેમણે પોતાની ઑફિશિયલ યુટ્યૂબ ચેનલ ‘ભીષ્મ ઈન્ટરનેશનલ’ પર અપકમિંગ પ્રોજેક્ટ ‘શક્તિમાન’ અંગે ઘણું બધું કહ્યું છે. તેમણે કહ્યું હતું કે, આ ફિલ્મ બની રહી છે અને તેને આંતરરાષ્ટ્રીય કક્ષાએ લઈ જવાનું આયોજન છે. તેમણે ઉમેર્યું હતું કે, ફિલ્મ અંગે કોન્ટ્રાક્ટ પણ તૈયાર થઈ ગયો છે. જ્યારે આ ફિલ્મ 200-300 કરોડ રૂપિયાના ખર્ચે બનશે.
મુકેશ ખન્નાએ જણાવ્યું હતું કે, કોરોના મહામારી દરમિયાન ફિલ્મ પર કામ રોકાઈ ગયું હતું. તેમણે જણાવ્યું હતું કે, આ ફિલ્મ પણ બનશે અને તે પણ આ ફિલ્મનો ભાગ રહેશે. જોકે, ફિલ્મની સ્ટારકાસ્ટ અંગે તેમણે કોઈ માહિતી નથી આપી. બીજી તરફ આ ફિલ્મ મોટી બનવાની હોવાથી તેને સમય લાગશે તે તો નક્કી છે.
