અત્રેના જિલ્લામાં બાગાયતી પાકોની ખેતી કરતા અને કરવા માંગતા તમામ પ્રકારના જિલ્લાના ખેડૂતોને બાગાયત ખાતાની વિવિધ સહાયલક્ષી યોજનાઓ હેઠળ સહાય/લાભ મેળવવા માટે ઓનલાઇન અરજીઓ કરી શકે તે હેતુથી સરકારશ્રીની રાજય અને કેન્દ્ર પુરસ્કૃત યોજના જુદા જુદા ઘટકોમાં લાભ આપવા આઇ ખેડૂત પોર્ટલ તા.૨૨/૦૪/૨૦૧૩ થી તા.૩૧/૦૫/૨૦૨૩ સુધી ખુલ્લુ મુકવામાં આવેલ છે.
જેમાં અતિ ઘનિષ્ઠ તથા ઘનિષ્ઠ ખેતીથી વાવેલ ફળપાકો-આંબા, જામફળ, દાડમ, લીંબુ, ફળ પાક પ્લાન્ટીંગ મટીરીયલ્સમાં સહાય, વધુ ખેતી ખર્ચવાળા ફળપાકો સિવાયના ફળપાકો, છૂટા ફૂલો, પ્લાસ્ટીક મલ્ચીંગ, ટ્રેક્ટર (૨૦ PTO HP સુધી), ટ્રેક્ટર માઉન્ટેડ પંપ (20 BHP થી ઓછા/35 BHP થી વધુ), પાવર નેપસેક પંપ(૧૬ લી. વધુ), સ્વયં સંચાલિત બાગાયત મશીનરી, પાવર ટીલર(૪ BHP થી ઓછા8 BHP થી વધુ), સરગવાની ખેતીમાં સહાય, વોટર સોલ્યુબલ ફર્ટીલાઇઝર, હાઇબ્રીડ બિયારણ, કાચા મંડપ ટામેટા મરચાં અને અન્ય શાકભાજીના ટ્રેલીઝ વિગેરે જેવા જુદા- જુદા જીલ્લામાં અમલી યોજના અને ઘટકોમાં સહાય લાભ લેવા માંગતા ખેડૂતોને ઓનલાઇન અરજી કરવા નાયબ બાગાયત નિયામકશ્રી દ્વારા જણાવવામાં આવે છે.
ઓનલાઇન અરજી કર્યા બાદ અરજીપત્રકની પ્રિન્ટ આઉટ લઇ અરજીપત્રકમાં અરજદારે સહી અથવા અંગૂઠાનું નિશાન કરી, આધાર કાર્ડની નકલ, ૭/૧૨ અને ૮-અ ની નવી અસલ નકલ, બેંક પાસબુકના પહેલા પાનાની નકલ/કેન્સલ ચેક, અનુસુચિત જાતીના કિસ્સામાં સક્ષમ અધિકારીશ્રીનું જાતીનું પ્રમાણપત્ર, દિવ્યાંગ અરજદાર ખેડૂતના કિસ્સામાં તે બાબતનું સક્ષમ અધિકારીશ્રીનું પ્રમાણપત્ર સહિત નાયબ બાગાયત નિયામકશ્રીની કચેરી, રૂમ નં. ૪-૫, ભોય તળીયું, ડી બ્લોક, સરદાર પટેલ ભવન, નડીયાદ, જી.ખેડા ખાતે અરજી કર્યાના એક અઠવાડિયામાં રજૂ કરવા નાયબ બાગાયત નિયામકશ્રી દ્વારા જણાવવામાં આવે છે. સરકારશ્રીના યોજનાકીય નિયમો અનુસાર અને ફાળવેલ લક્ષ્યાંકોની મર્યાદામાં ખેડૂતોને લાભિત કરવામાં આવશે જે બાબતની નોંધ લેવા નાયબ બાગાયત નિયામકશ્રી દ્વારા જણાવવામાં આવે છે.
