મનપસંદ વાહન નંબર સીરીઝ મેળવવા માટે ઓનલાઈન અરજી પ્રક્રિયા શરૂ

પ્રાદેશિક વાહન વ્યવહાર કચેરી, નડીયાદ ( ખેડા) દ્વારા તમામ મોટર વાહન માલિકોને જણાવવામાં આવે છે કે, પ્રાદેશિક વાહન વ્યવહાર કચેરીમાં ટુ-વ્હીલર, ફોર વ્હીલર (નોન ટ્રાન્સપોર્ટ), તેમજ (ટ્રાન્સપોર્ટ) વાહનોને લગતી હાલની સીરિઝનું રી-ઓકશન ટુ-વ્હીલર જી.જે.૦૭. ઇ.એલ (EL), ફોર વ્હીલર જી.જે.૦૭. ડી.એફ (DF) તથા થ્રી વ્હીલર જી.જે.૦૭. ટી.વી. (TV) અને ટ્રાન્સપોર્ટ જી.જે.૦૭. ટી.યુ. (TU), તા.૧૫-૦૪-૨૦૨૩થી રી-ઓકશન શરૂ કરવામાં આવનાર હોઈ પસંદગી નંબર મેળવવા ઇચ્છુક વાહન માલિકો તેમના વાહનનું રજીસ્ટ્રેશન કરી online http://parivahan.gov.in/fancy પર online રજીસ્ટ્રેશન કરી રી-ઓકશનમાં ભાગ લઈ શકશે. જે માટે અરજદારોએ નીચે દર્શાવેલ પ્રક્રિયા તેમજ સૂચના મુજબ કામગીરી કરવાની રહેશે. જેની નોધ લેવી
અરજદારે parivahan.gov.in વેબસાઇટ પર જવું. વેબસાઇટમાં દર્શાવેલા ઓનલાઇન સર્વિ પર ક્લિક કરવું. ત્યારબાદ fancy number booking પર ક્લિક કરવું. જેમાં પબ્લિક યુઝર પસંદ કરી આઈ.ડી. બનાવવું. આઈ.ડી.બનાવ્યા બાદ સી.એન.એ. ફોર્મ ઓનલાઈન ભરવું. પસંદગીનો નંબર સિલેક્ટ કરી દર્શાવેલી ઓછામાં ઓછી ફી ભરી દેવી. ઓનલાઇન ફી ભર્યા બાદ બિડિંગ એટલે કે હરાજીમાં ભાગ લેવો. હરાજીમાં નંબર મેળવ્યા બાદ ‘’૫’’ દિવસમાં હરાજીની બાકીની રકમ ભરવી. હરાજીની રકમ ભર્યા બાદ આર.ટી.ઓ. માંથી એપ્રૂઅલ લઈ નંબર લઈ લેવો.
વાહન ખરીદીના સાત દિવસમાં અરજદારે સી.એન.એ. ફોર્મ ભરવાનું રહેશે. ટુ-વ્હીલર સીરિઝ GJ07-EL- નું ઓનલાઈન રી-ઓકશન થશે. ફોર વ્હીલર સીરિઝ GJ07-DF- નું ઓનલાઈન રી-ઓકશન થશે. થ્રી વ્હીલર સીરિઝ GJ07-TV- નું ઓનલાઈન રી ઓકશન થશે. ટ્રાન્સપોર્ટ જી.જે.૦૭. ટી.યુ. (TU) નું ઓનલાઈન રી ઓકશન થશે. નવી સીરિઝના ગોલ્ડન, સીલ્વર કે અન્ય પસંદગીના નંબર મેળવવા માટે તા.૧૫-૦૪-૨૦૨૩ થી ૧૭-૦૪-૨૦૨૩ સાંજે ૦૪:૦૦ કલાક સુધી ઓનલાઇન એપ્લીકેશન કરવાની રહેશે. તેમજ તા ૧૭-૦૪-૨૦૨૩ થી ૧૯-૦૪-૨૦૨૩ ના સાંજે ૦૪:૦૦ કલાક સુધી ઓનલાઇન ઓકશનમાં બિડિંગ પ્રક્રિયા પૂર્ણ થશે. તા ૨૦-૦૪-૨૦૨૩ના રોજ કચેરીમાં ફોર્મ જમા કરાવવાના રહેશે. વાહનનું રજીસ્ટ્રેશન કારાવેલુ હોવું જરૂરી છે. વાહન વેચાણ તારીખથી ૭ દિવસ ની અંદર સી.એન.એ. ફોર્મ ઓનલાઈન ભરેલ હોવું ફરજિયાત છે.સમય મર્યાદા બહારની અરજી માન્ય ગણવામાં આવશે નહી તેમ પ્રાદેશિક વાહન વ્યવહાર અધિકારીશ્રી, નડિયાદ દ્વારા જણાવવામાં આવ્યું છે.