આણંદ જિલ્લાના ખંભોળજના સુપ્રસિદ્ધ ચેહર માતાજીના મંદિર,ચેહરધામ ખાતે આગામી 9 એપ્રિલ 2023ના રોજ રવિવારે ચેહરનો 14 મો પાટોત્સવ યોજાશે આ માહિતી ચેહરધામ ખંભોળજના ભુવાજી નાગજીભાઈ રબારીએ જણાવ્યું છે.
માતાજીના 14 મા પાટોત્સવ નિમિત્તે સવારે 9.00 કલાકે નવચંડી યજ્ઞનો પ્રારંભ થશે. સાંજે 5.00 કલાકે શ્રીફળ હોમાશે જ્યારે સાંજના 6.00 કલાકે માઈ ભક્તો માટે મહાપ્રસાદનું આયોજન કરવામાં આવ્યું છે. આ માંગલિક અવસરે રાત્રે 9.00 કલાકે વિજય સુવાળા, જિજ્ઞાસા રબારી, કિંજલ રબારી જેવા સુપ્રસિદ્ધ લોક ગાયકોની ઉપસ્થિતિમાં લોકડાયરો યોજાશે. આ અવસરે દૂધરેજ વડવાળા મંદિરના મહામંડલેશ્વર કનીરામદાસ બાપુ, કાસવાના ભુવાજી રાજાભાઈ ભગત, વિરોચનનગરના ભુવાજી કનુભાઈ રબારી સહિત સંતો, મહંતો,ભુવાજીઓ અને માઈ ભક્તો ઉપસ્થિત રહેશે.
