પ્રથમ જ્યોતિર્લિંગ દેવાધિદેવ સોમનાથ મહાદેવના દર્શન માટે રાજ્યના સામજિક ન્યાય અને અધિકારીતા મંત્રી ભાનુબેન બાબરીયા તેમજ અન્ન અને નાગરિક પુરવઠા વિભાગના રાજ્યકક્ષાના મંત્રી ભિખુસિંહ પરમાર સહપરિવાર સાથે પધાર્યાં હતા. મહાનુભાવોએ સોમનાથ મહાદેવના દર્શન અને જલાઅભિષેક કર્યા હતા. આ તકે પુજારિ દ્વારા ચંદન તિલક કરી તેમને આવકારવામાં આવ્યા હતા. માસિક શિવરાત્રીનો શુભ દિવસ અને મુખ્યમંત્રીનો જન્મદિવસ હોય મંત્રીઓએ મુખ્યમંત્રીના દીર્ઘ આયુષ્યની કામના સાથે સોમનાથ મહાદેવની ધ્વજાપુજા કરી હતી. સોમનાથ ટ્રસ્ટ વતી પૂજારી દ્વારા મહાનુભાવોને સોમનાથ મહાદેવનું સ્મૃતિચીત્ર અને પ્રસાદ ભેટ આપીને સન્માન કરવામાં આવ્યું હતું.
