પાટણ : 29 જુલાઈ
અમદાવાદના અલગ અલગ વિસ્તારોમાંથી 6 સીએનજી રીક્ષા ની ચોરી કરનાર સરસ્વતી તાલુકાના લાખડપ ગામના બે સગા ભાઈઓને પાટણ એલસીબી પોલીસે બાતમી આધારે સરસ્વતી તાલુકાના નાયતા ગામે ઝડપી લઇ તેઓની પાસેથી ₹35,000 નો મુદ્દા માલ કબજે કરી તેઓની વિરુદ્ધ કાયદેસરની કાર્યવાહી હાથ ધરી છે.
પાટણ એલસીબી પોલીસ મિલકત સંબંધી ગુનાઓને અનુસંધાને સરસ્વતી તાલુકામાં પેટ્રોલિંગમાં હતી તે દરમિયાન ખાનગી રહે બાદમી મળી હતી કે સરસ્વતી તાલુકાના લાખડપ ગામે રહેતા પટણી આકાશ રામુભાઈ અને પટણી રાહુલ રામુભાઈ બંને જણા સીએનજી રીક્ષાઓ ચોરી કરીને તેના સ્પેસપાટ જુદા કરી ભંગારમાં વેચવા જઈ રહ્યા છે.જે હકીકત આધારે નાયતા નજીક પોલીસે નાકાબંધી કરી વાહન ચેકિંગ હાથ ધાર્યું હતું જે દરમિયાન સીએનજી રીક્ષા આવી પહોંચતા પોલીસે તેને ઉભી રખાવી રીક્ષા ની તલાસી લેતા તેમાંથી ચોરેલી અન્ય રિક્ષાઓના સ્પેરપાર્ટ તથા પતરા અને ટાયરો મળી કુલ રૂપિયા 35,000 નો મુદ્દા માલ મળી આવ્યો હતો જે પોલીસે જપ્ત કરી આ બંને રીઢા રીક્ષા ચોરોની વધુ પૂછપરછ કરતા અમદાવાદ શહેરના બાપુનગર, શહેર કોટડા, રખિયાલ, યુએન મહેતા હોસ્પિટલ,સિવિલ હોસ્પિટલ તેમજ અન્ય એક જગ્યાએથી મળી કુલ 6 સીએનજી રીક્ષા ચોરી કરી હોવાની કબુલાત કરી હતી.
ચોંકી ઉઠેલી પોલીસે આ બંનેની ધરપકડ કરી તેઓની સામે ગુનો નોંધી આ ઈસમો અન્ય ગુનાઓમાં સંડોવાયેલા છે કે નહીં તેની વધુ તપાસે રિમાન્ડ મેળવવાની તજવીજ હાથ ધરી છે
